Кеча аёллар лигасида навбатдаги тур учрашувлари бўлиб ўтди. Турнир жадвалида 2-ўринни банд этиб турган "Андижанка" жамоаси ўз майдонида "Локомотив-W"ни қабул қилди.
Айтиш керакки, Бўстон даҳасидаги "БЎФМ" стадионида ўтган учрашув қизиқарли кечди. Ўйинда тўлиқ устунликка эришган мезбонлар йирик - 3:0 ҳисобида ғалаба қозонди. Аввалига Гулҳаё Маннабоева биринчи бўлиб ҳисобни очган бўлса, кейинроқ Рушана Сафина ҳам ўз ҳисобига битта гол ёздириб қўйишга эришди. Учинчи гол эса Ўғилой Қўчқарованинг жарима зарбасидан сўнг киритилди.
Шу тариқа қизларимиз ишончли ғалабани қўлга киритиб, чемпионатда дадил одимламоқда. Эслатиб ўтамиз, "Андижанка"нинг навбатдаги учрашуви 13 октябрь уни сафарда "Олмалиқ"қа қарши кечади.
