"Бунёдкор" футболчиси Элдор Шомуродов Россиянинг "ProSport Manеgement" агентлик компанияси билан шартнома имзолагани ҳақида хабар бериб ўтгандик. У ҳақда Ўзбекистон миллий терма жамоаси бош мураббийи Самвел Бабаян қуйидагича фикр билдириб ўтди.

«Ўйлайманки, Шомуродов яқин орада жамоасининг етакчисига айланади. Элдор меҳнаткашлиги билан ажралиб туради. У жисмоний жиҳатдан бақувват, у дриблинг ишлатишдан чўчимайди. Унинг алдамчи ҳаракатлари — туғма иқтидор. Бу нарсани амалга ошира оладиган футболчилар кўп, аммо Шомуродов керакли пайтда дриблингдан фойдаланади ва шундан сўнг ўз вақтида узатма беради ёки дарвоза томон зарба беради. Ўйлайманки, келажакда у топ-футболчига айланади», - дейди Бабаян.

"Бунёдкор" ҳужумчисига араб мамлакатларидан таклифлар бўлса-да, у ўз кучини Европада синаб кўришга қарор қилган.

«У Европа жамоасига ўтишни ва у ерда ривожланишни истайди, — давом этади Бабаян. – Пул ўз йўлига, лекин Элдор ўз иқтидорини ривожлантириш кераклигини тушунади».