Ўзбекистон терма жамоаси бош мураббийи Самвел Бабаян «Оренбург» ҳимоячиси Вадим Афонин ҳақида ўз фикрини маълум қилди. Футболчи Россия чемпионатидаги ишончли ўйини билан эътибор қозонган эди.
«Афониннинг фуқаролиги тўғрисидаги миш-мишлар кўпайиб кетди. Мен у билан гаплашиб олдим. У терма жамоада ўйнашга тайёр. Лекин унинг паспорти билан боғлиқ вазият бунга йўл бермаяпти.
Яқин орада, унинг паспорти ҳуқуқий кучга эга ёки йўқлигига аниқлик киритиб оламиз. Агар муаммо ҳал бўлса, навбатдаги ўйинга чақирамиз.
Албатта, Афонин ўзининг ўйини билан терма жамоадан чақирув олишга лойиқ эканини исботлади. Ўзбекистон футбол федерацияси мутахассислари бу борада иш олиб бормоқда» - деди Бабаян.
