OK Diario нашри муҳаррири Эдуардо Инда «Барселона» ҳимоячиси Жерар Пикенинг айбловларига жавоб берди. Футболчи уни Флорентино Переснинг қўғирчоқи деб айтган эди.
«Сени терма жамоадан тушиб қолишингга кимнидир қилган иши ёки OK Diario нашри сабабчи эмас. Ўзингни гапларинг, болаларча аҳмоқлигинг ва «антииспания»чилигинг бунга сабаб бўлди.
Мен мухлисларни сенга нисбатан ҳуштакбозлик қилишга мажбур қилмаганман. Сен Испания байроғи рангларига бефарқсан, шунинг учун ҳам танқид остидасан. Сен Каталонияни мустақиллигини ёқлаб чиқишга тўла ҳақлисан, аммо бу ишни қилганингдан сўнг Испания терма жамоасида ўйнашга ҳақли эмассан.
Бироқ барибир шу ишни қиляпсан, чунки пул сени ақлдан оздирган» - деб жавоб берди Инда футболчига.
