Англия футбол ассоциацияси (FA) «Манчестер Юнайтед» бош мураббийи Жозе Моуриньодан «Ливерпуль»га қарши ўйинга тайинланган бош ҳакам Тэйлор ҳақида айтган гапларига изоҳ беришни талаб қилди.
Моуриньо «Олд Траффорд» яқинида истиқомат қилувчи Тэйлорни бош ҳакам қилиб тайинланишидан ҳайрон қолгани, энди у катта босим остида қолиши мумкинлиги ҳақида гапирган эди.
FA қоидаларига кўра, ўйиндан олдин бош ҳакамларнинг тайинланиши ҳақида изоҳ бериш тақиқланади. Daily Mirror хабарига кўра, Моуриньо қоидани бузганликда айбдор деб топилса, унга катта миқдорда жарима ёки дисквалификация жазоси қўлланиши мумкин.