Россиялик машҳур мураббий Валерий Газзаев Евроосиё лигасини тузиш таклифи билан чиқди.
«Божхона иттифоқига кирувчи ва УЕФА ташкилотига аъзо бўлган мамлакатлар орасида ягона лигани тузиш ҳақида ўйлаб кўриш керак.
Унга Россия, Беларус, Қозоғистон ва Арманистонни киритса бўлади. БАТЭ, «Астана», Қайрат каби клублар бу лигада бемалол иштирок эта оларди. Агар лига муваффақият қозонса, бошқа давлатлар ҳам қўшилиш истагини билдириши мумкин.
Бундан ташқари томошабинлар сонини ҳам кескин ошириш имкониятига эга бўлардик. Натижада клублар реклама ва ТВ ҳуқуқларини сотиб, яхшигина маблағ ишлаб топишлари мумкин бўлади. Бу лиганинг дастури деярли тайёр ҳолатда» - деди Газзаев.
