Хихоннинг "Спортинг" клубида ижарада ўйнаётган "Барселона" ҳимоячиси Дуглас Перейра каталония клубидаги оғир дамларини эслади.
"Барса" мураббийлари бразилиялик футболчига кўп умид қилмадилар бунинг устига уни доимий жароҳатлар таъқиб қилар эди.
"Болалигимдан футболчи бўлишни орзу қилардим. Буни қийин иш деб ҳисоблардим, аммо олдинга ҳаракат қилар эдим. "Барселона"да жароҳатлар туфайли менга осон бўлмади, ҳар куни кўзимда ёш билан уйга қайтардим. Аммо мен курашишим керак эди. Атрофимдаги муҳит ҳар доим менга қарши бўлган, аммо мен оилам ва яқинларим учун кучли бўлишим керак эди", - дейди Дуглас.
Дуглас 2014 йилда "Сан-Паулу"дан "Барселона"га ўтган, бунинг учун каталонияликларнинг собиқ спорт директори Андони Субисаретте танқидларга учраган эди.
