Мадриднинг «Реал» жамоаси ҳужумчиси Криштиану Роналду Facebook’даги саҳифасига юклаган сурати орқали минглаб буддавийларнинг жаҳлини чиқарди, деб хабар бермоқда «Sports.ru».
«Бу ҳурматсизлик… Қандай қилиб сен Будданинг устига оёқ қўйдинг? Криштианунинг бу даражада ақлсиз эканини билмагандим. Бугун сен мухлисларингдан бирини йўқотдинг», – деди фойдаланувчилардан бири.
«Сенда одоб-ахлоқ йўқ. Бу Будданинг ҳайкали. Қандай ҳаддинг сиғди…», – дея изоҳ берди бошқа фойдаланувчи.
«Бу Будданинг ҳайкали. У буддавийларнинг худоси. Озгина бўлса ҳам ҳурмат қилиш керак. Сен буни тушуниб етасан деган умиддаман CR7», – дея суратга ўз муносабатини билдирди яна бир фойдаланувчи.
Сурат юкланганидан 4 соат ўтиб, унга 27 мингдан ортиқ изоҳ ҳамда 650 мингдан зиёд муносабат (лайк) қолдирилди.
