«Интер» ҳужумчиси Мауро Икардининг автобиографияси муаллифи Паоло Фонтанесининг хабарига кўра, мухлислар билан юзага келган можаро туфайли китоб қайтадан нашр қилинади.
«Китобни қайтадан нашр қиламиз, можароли жойларини ўзгартирамиз. Шунингдек унга янги воқеалар ҳам киритилади. Ҳозирча Икарди билан учрашиб, ҳаммасини муҳокама қилиб оламан» - деди Фонтанеси бу ҳақда.
Эслатиб ўтамиз, Икарди ўз китобида «Интер» мухлисларини ҳақорат қилган, кейинчалик бу иши учун клуб раҳбарияти томонидан жаримага тортилган эди.
