«Барселона» ҳужумчиси Неймар 2014/2015 йилги мавсумда қўлга киритилган Чемпионлар лигасининг бош соврини қадри ўзи учун юқори эканини таъкидлаб ўтди. Луис Энрике шогирдлари финалда «Ювентус»га қарши баҳс олиб бориб, 3:1 ҳисобида ғалаба қозонишганди. Бразилиялик футболчи ушбу ўйинда голлардан бирига муаллифлик қилганди.
«Чемпионлар лигасидаги ғолибликни жаҳон чемпионатидаги ғалаба билан тенглаштириш мумкин. Мен бир марта ЕЧЛда ғолиб чиқдим ва бу муваффақиятни такрорлашга умид қиламан. "Барселона" ушбу мавсумда ўз олдига шундай вазифани қўйиши мумкин. Ўз мақсадимизга эришишимизга ишонсак, буни амалга ошира оламиз», — дейди Неймар.