Чемпионлар лигасининг 2015/16 мавсуми финалида «Реал» ва «Атлетико» куч синашган.

Биринчи бўлимдан сўнг «Реал» 1:0 ҳисобида олдинга чиқиб олган. Ўйин танаффусида, «Реал»нинг кийиниш хонасида Роналду жамоадошларини руҳлантиришга уринган.

«Гапимни эшитинглар, биз 45 дақиқадан сўнг тарихга киришимиз мумкин. Ҳаммамиз чарчадик. Яна 45 дақиқа туриб беришимиз керак. Биз буни уддалаймиз, чунки ҳали кучимиз етади.

Бу руҳий вазият, 45 дақиқа туриб берсак, тарихга кирамиз. Биринчи бўлимда қандай ҳимояланган бўлсак, шундай ўйнашда давом этамиз. Қани олға, олға, бир тан, бир жон бўлиб ўйнамиз. Хотиржам бўлинглар, уларни қарши ҳужумларда жазолаймиз. Кўрасиз, албатта ғалаба қозонамиз» - деган Роналду.

Эслатиб ўтамиз, 2-бўлимда «Атлетико» ҳисобни тенглаштира олган, пенальтилар сериясида эса «Реал» ғалаба қозонган эди.