«Барселона» дарвозабони Хорди Масип жорий мавсумда ўйин амалиётига эга бўлишдан умидини узмаганини айтди.
Футболчи Марк-Андре тер Штеген ва Яспер Силлессендан кейин жамоада учинчи дарвозабон бўлиб қолмоқда.
«Мен ҳар доим бор кучим билан ишлайман, формамни яхши ҳолатда сақлашга ҳаракат қиламан. Мавсум узун, олдинда ўйинлар кўп, шунинг учун ҳам ўйин амалиётига эга бўламан деган умиддаман.
Сабр қилишга қодирман, аммо бир кун келиб сабр косам тўлиши мумкин. Ҳаммамиз ҳам ўйин амалиётига эга бўлишни истаймиз» - деди Масип.
Эслатиб ўтамиз, Испания чемпионатининг жорий мавсумида футболчи майдонга тушмаган.
