Қишда "Манчестер Юнайтед" жамоаси катта ўзгаришларни амалга оширмоқчи. Жамоа бир қатор футболчилар тарк этади. Қуйида улар борасида сўз юритамиз.

Маттео Дармиан

Бу ҳимоячи ўтган мавсумларда майдонга тушиб, ўйин амалиётига эга бўлаётганди. Бироқ Жозе келиб вазият ўзгарди. У бутунлай захирага ўтириб қолди. Қишда "МЮ"ни тарк этадиган футболчилардан бири айнан Маттео Дармиандир. Дармианга айни вақтда қатор жамоалардан таклифлар бўлмоқда. Улар қаторида "Интер", "Барселона" жамоалари ҳам кўрсатиш мумкин. Улар бу ҳимоячига жиддий қизиқиш билдирмоқда.

Бастиан Швайнштайгер

Германия терма жамоасида ёрқин ўйинлари билан танилган Швайнштайгернинг айни пайтда "Манчестер Юнайтед"да қора кунлари давом этмоқда. Жозе Бастианни умуман майдонга туширмаяпти. У асосан ёшлар жамоаси билан машғулотларда иштирок этмоқда. Ҳаттоки, Европа лигасига берилган қайдномадан ҳам Басти жой олмади. У қишда АҚШ ёки Хитой чемпионатига йўл олиши кутилмоқда.

Мемфис Депай

Ван Гал даврида сотиб олинган Депай батамом жамоанинг захирасига михланди. Жуда катта маблағ эвазига харид қилинган ҳужумчи захирадан жой олмоқда. Жозе интервюларининг бирида Депайга асосий таркибда жой йўқлигини ва уни қўйиб юборишга тайёр эканини айтиб ўтганди. Демак, у ҳам қишда "манкунианликлар" сафини тарк этади ва ўзига бошқа жамоа топади.

Андер Эррера

Бу футболчи ҳам кетиш арафасида турибди. Чунки жамоага "Челси"дан Неманя Матич келиши кутилмоқда. Матич келса, мексикалик футболчи ҳам юқоридаги ҳамкасблари қатори захирага ўтириб қолади. Унга "Ювентус" қизиқмоқда. Туринликлар тез орада Эррера бўйича таклиф билан чиқмоқчи.