«МЮ» бош мураббийи Жозе Моуриньо Англия лига кубогининг нимчорак финал босқичи доирасида бўлиб ўтган «Манчестер Сити»га қарши ўйин (1:0) борасида ўз фикрларини билдириб ўтди.

«Ўйинчилар қўлидан келган барча ишни қилишди ва ҳақли равишда ғалаба қозондик. Натижадан мамнунмиз.

Ўтган ҳафтада ишларимиз юришмади, аммо биз профессионаллармиз. Салбий натижалар туфайли мухлислар хафа бўлишди. Шу боис бугунги ўйинда ўйинларни хурсанд қилиш учун яхши имконият эди. Биз буни уддаладик.

Ҳа, "Челси" билан ўйиндаги натижа туфайли бугун энг кучли таркибни майдонга туширдим. У ёқимсиз мағлубият бўлганди.

Фаолиятим давомида ҳали бундай мухлислар бўлмаганди. Биз 0:4 ҳисобида ютқаздик, улар эса бизни қўллаб-қувватлашда давом этишди. «Челси» билан баҳсда уларни ранжитганимиздан афсусдаман.

Салбий натижалар ва 3 йиллик муваффақиятсиз мавсумга қарамай, «МЮ» мухлисларининг жамоага бўлган муҳаббати юқори. Биз уларга миннатдорчилик билдиришимиз керак», – дейди Моуриньо.