Эртага “Локомотив” олий лига 27-тур учрашувлари доирасидаги ўйинини ўтказади. Бу сафар “Темирйўлчилар”га Қаршининг “Насаф” жамоаси рақиблик қилади.
“Локо” футболчилари олдиндаги масъулиятли учрашувга жиддий ҳозирлик олиб боришмоқда. Бугунги машғулот ҳам анча кўтаринки руҳда ўтди. Унда таркибдаги барча ўйинчилар иштирок этишди. Жароҳатланганлар ва ўйинни ўтказиб юборадиган футболчилар йўқ.
Таъкидлаш жоиз, “Локомотив” – “Насаф” қарама-қаршилиги эртага ТТЗ даҳасидаги “Локомотив” стадионида бўлиб ўтади. Ўйиннинг бошланиш вақти - 16:00.
