ФИФА 2016 йил якунларига кўра топишириладиган совринлар рўйхатини эълон қилди.

Унга кўра, қуйидаги 8 номинация бўйича энг яхшилар аниқлаб олинади:

1. «Энг яхши футболчи»
2. «Энг яхши аёл футболчи»
3. «Энг яхши мураббий»
4. «Энг яхши аёл мураббий»
5. «Ференц Пушкаш мукофоти» - мавсумнинг энг чиройли голи учун
6. «Фэйр Плей мукофоти»
7. «Мухлислар учун махсус соврин»
8. «ФИФА рамзий терма жамоаси»

Йилнинг энг яхши футболчиси бўлишга даъвогар 23 нафар футболчининг рўйхати 4 ноябрь куни эълон қилинади.
Шу куни расмий сўровнома старт олади. Унда 50% овоз барча терма жамоаларнинг бош мураббийи ва сардорлари қилган танлов асосида, қолган 50% овоз мухлислар орасида ўтказилган сўровнома ва дунёнинг 200дан зиёд ОАВ вакиллари берган материаллар асосида тўпланади.
Мукофотларни топшириш маросими 9 январь куни Цюрихда ўтказилади.