Чемпионлар лигаси гуруҳ босқичининг 4-тури доирасида "Арсенал" сафарда "Лудогорец"га қарши баҳс олиб борди ва қийин ғалабага эришди (3:2). Лондонликлар бош мураббийи Арсен Венгер учрашув борасида ўз фикрларини билдириб ўтди.
«Биз хотиржамликни сақлаб қолишимиз керак. Рақиб ўйинни катта тезликда бошлашини кутмагандик. Лекин биринчи бўлимнинг ўзида ҳисобни тенглаштиришга муваффақ бўлдик. Иккинчи бўлимда фаол ҳаракат қила олмадик. Яхшиямки, ўйин сўнгида гол уришга муваффақ бўлдик. Рақиб фаол ҳаракат қилгани боис учрашув «Эмирейтс»дагига нисбатан қийин бўлди», – дейди Венгер.