Формула-1 бўйича етти карра чемпион Михаэл Шумахер саломатлигида ижобий ўзгариш бор. Бу ҳақда пайшанба куни Mercedes жамоасининг собиқ ходими Росс Браун BBC Sport каналига берган интервъюсида маълум қилди.
"Умид бағишлайдиган белгилар пайдо бўлди ва биз ҳар куни унинг соғайиши учун дуо қилмоқдамиз", - деди Браун.
Собиқ автопойгачи Mercedes жамоаси учун қатнашган бўлиб ҳозирда Швейцариянинг Женева кўли бўйидаги ҳовлисида соғлигини тикламоқда. У шифохонадан 2014-йилда қайтди. Бундан аввал эса 2013-йил декабрида тоғда чанғи учиш пайтида бош билан тошга урилиб кома ҳолатига тушган эди. У бу ҳолатда ярим йил ётди. Энди унинг соғайиши кутилмоқда.
