Аргентина терма жамоасининг собиқ футболчиси Хуан Роман Рикельме ЖЧ-2018 саралаш босқичида Бразилия-Аргентина учрашуви олдидан фикрларини билдирди.
Ушбу учрашув 11 ноябрь куни Бразилияда бўлиб ўтади.
"Агар Месси майдонда бўлса, Аргентина Бразилияни ютади. Мессининг ўйинга бўлган хоҳиши бизнинг ғалабамиздан дарак беради. У ҳаммадан яхши, бахтимизга у аргентиналик. Мессисиз Аргентина термаси оддий жамоа бўлиб қолади, десам, мени ёмон одамга чиқаришади. Қайтараман, Аргентина термаси ғалаба қозонади, чунки ўйнайди. Агар у ўйнамаса, бразилияликлар тўртта гол урадилар", - дейди Рикельме.
