«Вильярреал» ҳужумчиси Алешандре Пато собиқ клуби «Милан» ҳақида ўз фикрларини маълум қилди.

«Берлускони менга яхши муносабатда бўлган, у ҳақиқий жентлмен. Мени Бразилияга қўйиб юборишни илтимос қилганимда, у рози бўлган, бироқ буни хоҳламаган. Мен Галлианидан ҳам миннатдорман.

Ҳар иккаласи билан муносабатларим яхши бўлган. Берлускони «Милан»ни имижини яратган одам, усиз қийин бўлади.

Ҳозир «Милан»да ўзгаришлар юз бермоқда. Янги раҳбарият италияликларга таянмоқчи. «Ювентус» жуда кучли бўлишига қарамасдан, «Милан» қаддини тиклаб олади деган фикрдаман.

«Милан»нинг натижаларини кузатиб бораман, у ерда ажойиб футболчилар тўпланган. Кейинги мавсумда улар еврокубокда ўйнайди» - деди Пато.