Қарши шаҳридаги “Насаф” футбол мактаби майдонларида 1998-1999 ва 2000-2001 йилларда туғилган, олий лига ва қуйи лига клублари қошидаги футбол мактаблари тарбияланувчилари ўртасида Республика Биринчилигининг финал босқичи старт олди.
Ушбу Биринчилик Ўзбекистон Профессионал Футбол Лигаси томонидан ташкил этилган. Бугун 2000-2001 йилларда туғилган ёш футболчилар ўртасида учрашувларга старт берилди. Бу ёшлардаги футболчилардан ташкил топган 8та жамоа икки гуруҳга бўлинган ҳолда баҳс олиб боришади.
Биринчиликда иштирок этаётган жамоалар ва мусобақа тақвими ҳақида кейинги хабарларимизда батафсил маълумот берамиз. Мусобақа 17 ноябргача давом этади.
