Олий лиганинг 28-туридан сўнг миллий чемпионатимизда қисқа муддатли танаффус юзага келди.
Шу боис “Андижон” жамоамиз ҳам 3 ноябрь куни “Бунёдкор”га қарши баҳсдан сўнг таътилга чиқди.
Жамоамиз аъзолари мураббийла штабининг режасига кўра, 8 ноябрдан клуб қароргоҳида йиғилади ва навбатдаги баҳсга тайёргарликни бошлайди.
Эслатиб ўтамиз, 29-турни “бургутлар” Тошкентда “Обод” жамоасига қарши ўтказади. Маълумки бу икки клуб айни дамда олий лигада ўз ўрнини сақлаб қолиш учун жиддий кураш олиб бормоқда. Шундай экан 16 ноябрь куни мухлисларни шиддатли ва шу билан бирга кескин кураш кутиб турибди десак муболаға бўлмайди.
Дарвоқе, ўтган турда дисквалификация туфайли жамоага ёрдам бера олмаган тажрибали ҳимоячи Бобур Акбаров бўлажак учрашувда майдонга туша олади.
