2022 йили Қатарда бўлиб ўтадиган футбол бўйича жаҳон чемпионатининг ташкилий қўмитаси қурилаётган стадионлардан бирида ишчининг ҳалок бўлганидан сўнг бўлажак турнирнинг қурилиш объектларида хавфсизлик чораларини кучайтиради.
Бу ҳақда ЖЧ–2022 ташкилий қўмитаси бош котиби Хасан Ал-Тавади маълум қилди, деб хабар бермоқда «ТАСС».
22 октябрь куни Ал-Вақро шаҳрида қурилаётган стадионда 29 ёшли Непал фуқароси Кумар Пашман ҳалок бўлганди.
«Бўлиб ўтган ҳодиса турнирга тайёргарлик кўриш жараёнида хавфсизлик чораларини кучайтириш учун етарлича далил сифатида хизмат қилди», – деди Ал-Тавади.
Маълумот учун, ЖЧ–2022 турнири 21 ноябрдан 18 декабргача, Қатарнинг етти шаҳри – Доҳа, Лусаил, Ал-Вақро, Ал-Хор, Ар-Райён, Умм-Салал ва Мадинат-аш-Шамалда бўлиб ўтади.
