«Тоттенхэм» ҳужумчиси Ҳарри Кейннинг маоши "шпорлар"нинг энг кўп даромад оладиган футболчилар маоши даражасигача кўтарилмаса, футболчи лондонликлар сафини тарк этиши мумкин. Бу ҳақда The Sun нашри хабар тарқатди.
23 ёшли футболчининг ҳозирги шартномаси 2020 йилгача тузилган ва у ҳафтасига 60 минг евро маош олмоқда. Аммо Кейн жамоа билан янги шартнома тузиб, маошининг оширилишини истамоқда. Таққослаш учун, ёзда "Ньюкасл"дан ўтган ярим ҳимоячи Мусса Сиссоко ҳафтасига 90 минг евро ҳафталик маош олмоқда.
Клуб раҳбарияти ҳужумчининг талабини қондирмайдиган бўлса, Кейн "шпорлар" сафини тарк этиши мумкин. Англия терма жамоаси футболчисига «Челси», «Манчестер Юнайтед» ва «Манчестер Сити» томонидан қизиқишлар бор.













