Marca нашри «Барселона» ҳужумчиси Лионель Мессини янги шартнома имзолашдан бош тортаётгани ҳақида хабар берган эди.
Мадрид ва Барселона шаҳарларида ўз офисига эга бўлган Diariogol портали хабарига кўра, шартномани узайтирилишига Месси эмас, балки унинг отаси тўсқинлик қилмоқда.
Катта Месси «Барселона» клубидан йилига 60 млн евро миқдорида соф маош талаб қилмоқда. Бу эса ўғлининг айни пайтда олаётган маошидан деярли уч баробар кўпдир.
«Барселона» президенти Хосеп Бартомеу Мессининг отаси билан гаплашиб, бу борада шошилмаслик лозимлигини ва клуб бу шартга рози бўлса, УЕФАнинг молиявий фэйр-плей қоидаларидан чиқиб кетиши мумкинлигини маълум қилган.
Мессининг ўзи эса Луис Суаресдан кейин шартномани узайтиришини маълум қилган ва шундан сўнг музокара ўтказишни тўхтатган.
