«Барселона» раҳбарияти бош мураббий Луис Энрике шартномани узайтирмаса, уни ўрнига кимни тайинлаш ҳақида бир қарорга келган, деб хабар бермоқда Marca.
Раҳбарият Луис Энрикенинг ишидан мамнун ва унга 2017 йилда ўз ниҳоясига етадиган шартномани узайтиришни таклиф қилмоқда. Мураббий эса баҳоргача кутиб туришни сўрамоқда.
Агар Луис Энрике лавозимини тарк этишни истаса, уни ўрнига Хуан Карлос Унсуэ тайинланади.
Айни пайтда у бош мураббийнинг ёрдамчиси бўлиб ишламоқда.
Унсуэ 2010/11 йилда «Нумансия» клубида ишлаган, 2012 йилда эса «Расинг» клубини бошқарган.
