Лионель Месси "Барселона"ни тарк этиши мумкин, деб ёзади Британиянинг Mirror нашри.
Манбага кўра, аргентиналик ҳужумчига "Манчестер Сити" жиддий қизиқмоқда ва бунинг учун 300 млн фунт (230 млн еврога яқин) тўлашга тайёр. Бунда Мессининг ўзига ҳафтасига 500 минг фунт маош белгиланиши айтилмоқда.
"Манчестер Сити"дагиларнинг ишончи шундаки, клубни ҳозир Хосеп Гвардиола - Мессининг "Барселона"даги устози бошқармоқда. Испаниялик мутахассисга жамоани АНглияда ҳам, чемпионлар лигасида ҳам етакчилик қиладиган жамоа тузиш учун чегараланмаган маблағ ваъда қилинган.
Мессининг каталонияликлар билан амалдаги шартномаси 2018 йилнинг 30 июнигача тузилган. Норасмий манбаларга кўра, Месси янги йилдан сўнг "Барселона" билан шартномасини узайтириш борасида музокараларни бошлайди. Баъзи ОАВ футболчи шартномасини узайтирмоқчи эмаслигини хабар қилганлар.
