"Рома" яримҳимоячиси Рожа Наингголан бугун "Аталанта"га қарши учрашувда "жалларосси" сафидаги 99-учрашувини ўтказади.

"Ўйинларим сони бундан ҳам кўп бўлиши мумкин, мен "Рома"да яна кўпроқ ўйнамоқчиман. Мен бу ерда ўзимни доим бахтиёр ҳис қилганман, энг яхши хотираларим Рим дербиси билан боғлиқ. 

Мавсум тугаганидан сўнг нечанчи ўринда бўламиз, айтолмайман, аммо ривожланиш ва ўсишни истаймиз ҳамда бор кучимизни сарфлаймиз. "Ювентус"нинг қандай ўйин кўрсатаётганига қараб, уларга етиб олишимиз мумкин, деб ҳисоблайман, аммо ҳаммаси ўзимизга боғлиқ. Агар ютишни тўхтатсак, "Ювентус" илгарилаб кетади", - дейди Наингголан.