Англия терма жамоасининг собиқ бош мураббийи Гленн Ходдл"МЮ" ҳужумчиси Уэйн Руни атрофидаги вазият борасида фикр билдирди.
"Англия терма жамоаси сардори сифатида ва жамоанинг энг тажрибали ўйинчиси сифатида Руни ўз маъсулиятини билади. Руни кичик жароҳат олган ва шунинг учун испанларга қарши майдонга тушмаслигини билган эди. У ўша кечага бориб, бир-икки суратга тушиб, кейин ётоққа бориши мумкин эди.
У ортиқча иш қилди, аммо кечирим сўради. Аммо ундан сардорлик боғичини олиб қўйиш керак деб ўйламайман. Биз унинг қанча ичганини билмаймиз. Фотосуратлар алдамчи бўлиши мумкин, аммо у эртаси куни машғулотга тайёр бўлган. Футболчилар мен ўйнаган вақтдан камроқ ичадиган бўлишган", - дейди Ходдл.
