"Челси" посбони Тибо Куртуа жамоанинг ўтган мавсумдаги омадсизлигида собиқ бош мураббий Жозе Моуриньонинг айби йўқлигини маълум қилди.
"Моуриньо менга "Челси"да ўйнаш имкониятини берди, у - топ-мутахассис. Баъзан жамоанинг муваффаққиятсизлигида фақат мураббий айбдор бўлмайди, аммо одамларнинг эътиборига биринчи бўлиб улар тушади. Натижалар бўлмаса мураббий нишон остида қолади, аммо футболчилар ҳам бунда айбдордирлар.
Ўтган мавсумда чемпионга хос савияни кўрсата олмадик. Шунчаки, клуб қарор қабул қилиши керак эди ва Моуриньо истеъфога чиқарилди. Биз юқори ўринларни истагандик, аммо ўнинчи ўринда қолдик. Бу "Челси" учун жуда ёмон натижа эди", - дейди Куртуа.
