Мадриднинг «Реал» жамоаси ҳужумчиси Криштиану Роналду «Олтин тўп–2016» мукофотини қўлга киритишни жуда хоҳлаётганини маълум қилди.
«Мақсадим – ҳар йили ‘Олтин тўп’ни қўлга киритиш. Ўтган йили ушбу мукофотни юта олмагандим. Бу сафар ютишимга умид қиламан», – деди португалиялик футболчи.
Аввалроқ, Роналдунинг агенти Жорже Мендеш унинг мижозидан бошқа ҳеч ким «Олтин тўп–2016»га муносиб эмаслигини билдирган эди.
Қайд этиш жоиз, 31 ёшли футболчи ўтган мавсумда «Реал» билан ЕЧЛ ғолиби, Португалия термаси билан эса Евро–2016 чемпиони бўлди. Испания чемпионатида эса Криштиану «Реал» билан кумуш медаль соҳибига айланганди.
