ФИФА президенти Жанни Инфантино жаҳон чемпионати иштирокчилари сонига киритиладиган ўзгаришлар 2026 йилдан бошлаб амал қилишини айтди.
«Жаҳон чемпионати – фақат спорт билан боғлиқ мусобақа эмас. У катта ижтимоий аҳамиятга ҳам эга. ФИФАнинг мақсади – футболни ривожлантириш. Агар мусобақа иштирокчилари сонини оширсак, у ҳолда бошқа мамлакатларда футболнинг ривожланишига туртки берамиз. Бироқ, бу билан мусобақа савияси пасаяди деган фикрга қўшилмайман. 2014 йилда Коста-Рика Италия ва Англияни мусобақадан чиқариб юборганини эсланг.
16 жамоа гуруҳ босқичида кафолатланган ўринга эга бўлади. Қолган 32 жамоа плей-оффда бир-бири билан баҳслашади ва ғолиблар гуруҳ босқичига чиқади. Унда эса 32 жамоа иштирок этади.
Буларни ҳаммаси 2026 йилдан бошлаб амал қилади. 2018 ва 2022 йилларда ҳеч нарса ўзгармайди» - деди Инфантино.
