«Ливерпуль» клубининг собиқ ҳужумчиси Эл Хожи Диуф яқинда фаолиятини тугатган Стивен Жеррардни танқид остига олди.
«Жеррардни футболчи сифатида ҳурмат қиламан, аммо инсон сифатида – йўқ. Буни ўзига ҳам айтганман. Мен учун у барча қатори оддий футболчи бўлган. У кийиниш хонасида бўлаётган гап-сўзларни мураббийга етказишдан кўра, ўз ишини қилгани маъқул эди. Мен ҳеч қачон жим турмаганман ва тилимни тиймаганман. Буни у жуда яхши билган. У кўзимга қарашдан қўрқарди. Ҳатто мен билан гаплашишга ҳам қўрқарди. «Ливерпуль» клубига келганимда у биринчи бўлиб футболкамни сўраган, аксинча эмас» - деди Диуф FourFourTwo хабарида.
