"Бавария" клубининг янги президенти Ули Хёнесс "Лейпциг" клубининг Бундеслигадаги ютқларидан хурсандлигини маълум қилди.
"Мени бир нарса хурсанд қиляпти: "Лейпциг" 12-турда "Фрайбург"ни 4:1 ҳисобида мағлуб этди ва бизда Дортмунд "Боруссия"сидан ташқари яна бир рақобатчи пайдо бўлди. Тўғрисини айтсам, охирги йилларда мотивацияни ўзимиздан қидиришга тўғри келган эди. Ахир "Бавария"ни ҳеч ким курашга чорламаган эди", - дейди Хёнесс.
"РБ Лейпциг" айни вақтда 30 очко билан Бундеслига пешқадами бўлиб турибди. Мюнхенликларда эса бир ўйин кам ўтказган ҳолда 24 очко бор ва улар иккинчи ўринда боришмоқда.
