Франческо Тотти «Рома»нинг жорий мавсумдаги имкониятлари ҳақида гапирди.
«Афсуски, чемпионатдаги муваффақият фақат ўзимизга боғлиқ эмас. «Ювентус» ҳақиқий етакчи бўлиб турибди ва биз ундан ўзиб кетишимиз учун ҳар томонлама яхши ўйин намойиш қилишимиз лозим.
Биз кучсиз рақибларга нисбатан аёвсиз бўлишимиз керак. «Ювентус»дек катта клубга айланишимиз учун бизга матонат ва барқарорлик етишмаяпти.
«Ювентус» клуби «Кьево» ёки «Болонья» билан баҳслашганда, ўйини қовушмаса ҳам ғалаба қозонади. Уларнинг ҳақиқий куч мана шунда, «Юве» ҳеч қачон таслим бўлмайди» - деди Тотти.
