"Милан" ҳужумчиси Жанлука Лападула Италия чемпионатининг 14-турида "Эмполи"га қарши учрашувдан сўнг (4:1) ўзини асосий таркиб футболчиси деб ҳисоблашини маълум қилди.
Лападула бу учрашувда иккита гол киритди. Футболчи бу мавсумда саккизта учрашувда иштирок этди, асосан захирадан майдонга тушган.
"Ўз голларимдан ва жамоамдан жуда хурсандман. Мен машғулотларда зўр бериб ишладим ва бугун "Милан"га фойда келтирдим. Яна ишлашим кераклигини биламан. Терма жамоага чақирилишим менга қўшимча мотивация берди. Бор-йўғи бир ярим йил аввал Б серияда ўйнаётгандим, энди терма жамоа футболкасини кийяпман.
Бакка билан рақобат? Сизга ҳеч нарса айтолмайман. Мен шунчаки яхшироқ ўйнаш учун ишлаяпман. Ўзимни ҳеч қачон захира футболчиси деб ҳисобламаганман. Қолган саволларни мураббийга беринг", - дейди Лападула.
