1 декабрь куни Жанубий Американинг клублари ўртасида нуфузи бўйича иккинчи ўринда турадиган Судамерикана кубоги финалининг дастлабки ўйини ўтказилиши режалаштирилган эди.
Финалда Колумбиянинг «Атлетико Насьональ» клуби Бразилиянинг «Шапекоэнсе» клубига қарши беллашиши лозим эди.
Аммо бугун, ўйинга учиб кетаётган «Шапекоэнсе» клубининг самолёти авиҳалокатга учради. Сўнгги хабарларга кўра, Медельин шаҳри яқинида юз берган авиаҳалокатда 81 йўловчидан 76 нафари ҳалок бўлган. Дарвозабон Данилу касалхонада жони узилган. Икки нафар футболчи, массажчи ва стюардессанинг аҳволи оғирлигича қолмоқда.
Esportebandab хабарига кўра «Атлетико Насьональ» клуби мусобақа бош совринини «Шапекоэнсе» клубига топширишни таклиф қилди.
Ҳозирча финал ўйини КОНМЕБОЛ томонидан номаълум муддатга қолдирилган.
