«Шапекоэнсе» клуби бош мураббийи Кайо Жуниорнинг ўғли Матеус Сароли ҳалокатга учраган самолёт бортига бахтли тасодиф туфайли чиқолмай қолган.
Бу ҳақда унинг ўзи фейсбук саҳифасида хабар қолдирган.
«Дўстлар, мен ва укамда ҳаммаси жойида. Бизни ўз ҳолимизга қўйишингизни илтимос қиламиз. Ҳозир ёлғиз қолишни истаяпмиз. Қўнғироқлар ва СМС лар учун раҳмат. Мен ҳам бу самолётга бўлишим керак эди, аммо паспортимни унутиб қолдирганим учун унга чиқолмай қолдим» - деб ёзди у.
Эслатиб ўтамиз, самолётнинг ҳалокатида 76 нафар йўловчи нобуд бўлди.