Бразилия клублари мамлакат футбол федерациясига мурожаат қилиб, «Шапекоэнсе» келажагини кафолатлаш мақсадида бир қатор чора-тадбирларни амалга оширишни сўрашди.

«Шапекоэнсе» клуби мураббийлар штаби ва футболчилар Колумбиядаги авиаҳалокатга учрашди. Бразилия клублари фикрича, иккита тадбирни амалга ошириш муҳим аҳамиятга эга.

1. Клублар 2017 йилда ўз ўйинчиларини бепул ижара асосида «Шапекоэнсе»га бериш.

2. Кейинги 3та мавсумда «Шапекоэнсе» клубининг иккинчи дивизионга тушиб кетмаслигини таъминлаш.

«Бу биз томонимиздан ёрдам бўлиши мумкин бўлган энг оддий чоралар. Бизнинг мақсадимиз — йўқотишга учраган Бразилия футболининг ушбу қисмини тиклашдан иборат», — дейилади Бразилия футбол федерациясига қилинган мурожаатда.

Мурожаатга «Сан-Паулу», «Коринтианс», «Сантос, «Палмейрас» ва «Португеза» клублари имзо чекишди.