Бугунги мақоламизда “Қўқон-1912” жамоасининг якунига етган мавсумдаги айрим кўрсаткичлари хусусида сўз юритамиз.

Жамоа иштирок этган 30 та ўйинда 10 хил натижа қайд этилган. Хусусан, еттита баҳс 2:1 ҳисобида якун топган. Буларнинг учтасида "Қўқон-1912" ғалаба қозонишган. Қолган тўрта  ўйинда рақибларнинг қўли баланд келган.

Бешта учрашув 1:1 ҳисоби билан тугаган. Тўртта беллашув 1:0  ҳисобида интиҳо топган.

“Пахтакор” ва “Локомотив”га қарши сафарда кечган баҳсларда 4:0 ҳисоби қайд этилган.

Биринчи даврада жамоа бирор марта дуранг ўйнамаган бўлса, иккинчи даврадаги бешта учрашувда рақиб билан муроса йўли танланган. 12-турга қадар футболчилар рақиб дарвозасини биттадан кўп ишғол эта олишмаган.

13-турда эса “Шўртан” дарвозасига тўртта тўп киритилган.

Биринчи даврада 13 марта, иккинчи даврада 18 марта рақиблар дарвозаси аниқ нишонга олинган.