1 декабрдан "УзРепорт" телеканали рақамли телевидение орқали Ўзбекистоннинг бошқа ҳудудларида ҳам эфирга узатилади. Бу ҳақда "УзРепорт" АА хабар берди.

Хабар қилинишича, бугундан телеканал бутун Фарғона водийсида кўрсатишни бошлайди. Бундан ташқари, Чорвоқ (Тошкент вил.), Жиззах (Жиззах), Каттақўрғон, Нуробод  (Самарқанд), Қарши, Муборак (Қашқадарё), Навоий, Зарафшон, Учқудуқ (Навоий), Олот (Бухоро), Манғит, Қўнғирот (Қорақалпоғистон Республикаси) аҳолиси ҳам ушбу телеканални муаммосиз кўришлари мумкин.

Қайд этилишича, яқин орада барча ҳудудлар қамраб олиниши режалаштирилган.

Эслатиб ўтамиз, УзРепорт ТВ орқали футбол мухлислари Чемпионлар лигаси ва Европа лигаси, шунингдек Англия ва Испания чемпионатлари ўйинларини томоша қилишлари мумкин.