Россия чемпионатида 16-тур ўйинлари давом этмоқда. «Краснодар» сафарда «Терек» меҳмони бўлди.

25-дақиқада Пирис мезбонларни ҳисобда олдинга олиб чиқди. Шундан сўнг, 31-дақиқада, кутилмаганда Одил Аҳмедов алмаштирилди. Бу иш мураббийнинг режаси бўйича бўлдими ёки ҳамюртимиз жароҳат олдими, буни билмадик. Шу заҳотиёқ «Краснодар» иккинчи голни ўтказиб юборди. Иккинчи бўлимда «Терек» ҳимоячиси Анхель ўз дарвозасини ишғол қилиб қўйди. Бу ҳисоб ўйин охиригача ўзгармади.

Ушбу мағлубиятдан сўнг «Краснодар» 27 очко билан 5-ўринда қолди.

РФПЛ, 16-тур

Терек – Краснодар 2:1 (2:0)
Голлар: 1:0 – 25 Пирис, 2:0 – 33 Грозав, 2:1 – 72, автогол Анхель.
Терек – Городов, Семенов, Мохаммади, Уциев, Анхель, Кузяев, Пирис, Мирзов (Митришев, 76), Адилсон, Грозав (Мбенг, 81), Балай (Родолфо, 89).
Краснодар – Крицюк, Гранквист, Налдо, Калешин, Торбинский (Вандерсон, 85), Каборе, Куасси, Измайлов (Жоаозиньо, 46), Ахмедов (Бистров, 31), Окриашвили, Смолов.
Огоҳлантиришлар: Торбинский (39), Бистров (43), Налдо (80).