КОНМЕБОЛ ташкилоти «Атлетико Насьонал» клуби томонидан берилган «Шапекоэнсе» клубини Копа Судамерикана ғолиби деб эълон қилиш ҳақидаги таклифга рози бўлади.
Бу ҳақдаги қарор яқин кунларда эълон қилинади, деб хабар бермоқда AS. Бундан ташқари, «Шапекоэнсе» келаси мавсумда Копа Судамерикана ғолиби сифатида Либертадорес кубогида ҳам иштирок этади.
Эслатиб ўтамиз, Бразилиянинг «Шапекоэнсе» клуби Копа Судамерикана мусобақаси финалида айнан «Атлетико Насьонал» клуби билан беллашиши лозим эди. Аммо жамоанинг самолёти бу ўйинга учиб кетаётганида ҳалокат учради ва унинг деярли барча аъзолари нобуд бўлди. Шундан сўнг, «Атлетико Насьонал» клуби «Шапекоэнсе»ни Копа Судамерикана ғолиби деб эълон қилишни таклиф қилганди.
