Авиаҳалокатда тирик қолган «Шапекоэнсе» ҳимоячиси Элио Нето футболчилик фаолиятини давом эттириш имкониятига эга бўлди.
31 ёшли футболчининг оёғидаги жарроҳлик амалиёти муваффақиятли чиқди ва у реабилитациядан ўтгач, яна футболга қайтиши мумкин.
«Шуни қувонч билан маълум қиламанки, ўғлим ўзини яхши ҳис қилмоқда. У жарроҳлик амалиётини муваффақиятли ўтказди ва шифокорлар гапига қараганда футболга қайта олади. Уни тезроқ тикланиб олиши ҳақида дуодамиз, барчага раҳмат!» - деб ёзди Нетонинг отаси фейсбук саҳифасида.
