Италия чемпионатида 15-тур ўйинлари давом этмоқда. «Милан» ўз майдонида мусобақа аутсайдери «Кротоне» клубини қабул қилди.

Ҳисоб 26-дақиқада меҳмонлар томонидан очилди. Фальчинелли ҳимоячиларни хатосидан фойдаланиб, яқин масофадан Доннарумма дарвозасини ишғол этди. Биринчи бўлим якунида «Милан» ҳисобни тенглаштирди. Бурчакдан оширилган тўпни Пашалич яқин масофадан боши билан дарвозага йўллади.

Иккинчи бўлим бошида Мбайе Ньянг пенальтини аниқ амалга ошира олмади. Унинг зарбасини дарвозабон қайтаришга муваффақ бўлди. Ўйин дуранг натижа билан якунланишга яқин турганида Лападула жарима майдони ичида ҳимоячилардан илдамроқ ҳаракат қилиб, жамоасига ғалаба келтирувчи голни урди.

Бу ғалабадан сўнг «Милан» 32 очко жамғариб, жадвалнинг 2-поғонасида қолди.

Италия чемпионати, 15-тур

Милан – Кротоне 2:1 (1:1)
Голлар: 0:1 – 26 Фальчинелли, 1:1 – 41 Пашалич, 2:1 – 86 Лападула.
Амалга оширилмаган пенальти: Ньянг (53, дарвозабон)
Милан – Доннарумма, Палетта, Де Шильо, Абате, Романьоли, Пашалич, Локателли, Соса (Луис Адриано, 73), Сусо, Ньянг (Хонда, 81), Лападула (Куцка, 89).
Кротоне – Кордац, Мартелла (Сампиризи, 75), Феррари, Чеккерини, Рози, Роден (Сими, 88), Капецци, Крисетиг, Стоян (Палладино, 71), Тротта, Фальчинелли.
Огоҳлантиришлар: Рози (43), Локателли (49), Крисетиг (52), Роден (60), Соса (63), Стоян (67), Лападула (87), Куцка (90).