Мирснинг «Замалек» клуби миллий чемпионатдан чиқиб кетишини эълон қилди.

«Биз чемпионатнинг ушбу мавсумидаги иштирокимизни давом эттирмаймиз. Ҳакам Иброҳим Нур эл-Дин – жиноятчи. Мен унинг бу орқали тирикчилик қилишига йўл қўймайман. Ушбу мавсумда бошқа ўйнамаймиз, ҳакамлар бизни эзғилаб ташлашяпти. Хани Абу Ризо (Миср футбол федерацияси вице-президенти) барча нарса стандартларга мос бўлишини таъминлай олмаяпти.

Бу сафар мен ҳазиллашмаяпман. Клуб директорлар кенгаши ушбу мавсумни давом эттиришимизга қарши бўлишмоқда. Ё биз кейинги ўйинда майдонга тушмаймиз, ёки мен кетаман.Мен ҳакамларнинг босимига бошқа бардош бермайман», – дейди «Замалек» президенти Муртазо Мансур.

Ўтган йилнинг декабрь ойида ҳам «Замалек» ҳакамлар туфайли чемпионатдан чиқиб кетишини эълон қилганди. Ўтган мавсумда жамоа 2-ўринни эгаллаган бўлса, ушбу мавсумда улар 6-ўринда боришмоқда.