«Лацио» клубининг жамоатчилик билан алоқа департаменти раҳбари Артуро Дьяконале яримҳимоячи Сенад Лулич томонидан «Рома» ҳимоячиси Антонио Рюдигер шаънига айтилган ҳақоратлар учун узр сўради.
Рим дербисида «Рома» клубига ютқазилгандан сўнг Лулич: «Рюдигер яқинда пайпоқ сотарди, энди ўзини иқтидордек ҳис қилмоқда» - деб айтган эди.
«Клуб бу гаплардан афсусда ва футболчи номидан узр сўрайман. Дербидаги мағлубиятдан сўнг у ўз эҳтиросларини жиловлай олмади.
Ўз хатоларимизни тан олиш ҳам муҳим. Биз «ҳалол ўйин» доирасида курашишни истаймиз. Бу «Лацио» тутган йўл» - деди Дьяконале Squawka хабарида.
