Чоршанба куни Ла Лиганинг 33-тури доирасида «Эльче» ўз майдонида Мадриднинг «Атлетико» клубини қабул қилди. Майдон эгалари сон жиҳатдан устунликдан фойдаланиб, 3:2 ҳисобида ғалаба қозонишди.

Мадридликлар ўйиннинг 10-дақиқасидаёқ ҳисобни очишди — Родриго Мендосанинг узатмасидан сўнг Николас Гонсалес гол урди. 18-дақиқада Давид Аффенгрюбер саъй-ҳаракатлари билан мезбонлар мувозанатни тиклашди. 33-дақиқада Андре Силва «Эльче»ни ҳисобда олдинга олиб чиқди, бироқ орадан бир дақиқа ўтиб Гонсалес дублни расмийлаштириб, мувозанатни тиклади. Ўйиннинг 75-дақиқасида Андре Силва ҳам ўз дублини қайд этиб, мезбонларга ғалаба келтирди.

Шуни таъкидлаш жоизки, «Атлетико» Тьяго Альмаданинг четлатилиши сабабли ўйиннинг катта қисмини бир киши кам бўлиб ўтказди. Ушбу мағлубиятдан сўнг Мадрид клуби 57 очко билан тўртинчи ўринда қолди. «Эльче» эса очколарини 35 тага етказиб, 15-ўринга кўтарилиб олди.

Испания Ла Лигаси. 33-тур

22.04.2026 | 22:00 «Мануэль Мартинес Валеро», Эльче

«ЭЛЬЧЕ» — «АТЛЕТИКО» — 3:2

Голлар: Гонсалес 10’ (0:1), Лео Аффенгрюбер 18’ (1:1), Андре Силва 33’ — пенальти (2:1), Гонсалес 34’ (2:2), Андре Силва 75’ (3:2).

«Эльче»: Матиас Дитуро, Лео Аффенгрюбер, Петро (Педро Бигас, 82), Бакари Сангаре (Виктор Чуст, 60), Гонсало Вильяр, Алеш Фебас, Нето (Хосан, 67), Херман Валера, Тете Моренте (Арнау Родригес, 67), Андре Силва, Рафа Мир (Сепеда, 67).

«Атлетико»: Ян Облак, Клеман Лангле, Робин Ле Норман (Науэль Молина, 46), Самуэл Диас (Марк Пубиль, 46), Боньяр, Мендоса (Пабло Барриос, 62), Жонни Кардозо, Варгас (Антуан Гризманн, 62), Гонсалес, Алекс Баэна (Жулиано Симеоне, 62), Тьяго Альмада.

Огоҳлантиришлар: Клеман Лангле (36), Самуэл Диас (38), Алеш Фебас (45), Бакари Сангаре (45).

Четлатиш: Тьяго Альмада (30).