«РБ Лейпциг» клубининг спорт директори Ральф Рангник Бундеслига дебютантининг муваффақияти сири тўғрисида гапирди. Жамоа 13 турдан сўнг 33 очко жамғариб, мусобақа жадвалида пешқадамлик қилмоқда.
«Ҳеч ким бизни бунчалик кўп очко жамғаради деб ўйламаганди. Янги футболчиларимиз жамоани кучайтира олишди. Бундан ташқари, юқори савиядаги машғулотлар ҳам ғалабаларга олиб келмоқда.
«РБ Лейпциг»нинг асосий таркибидаги 8 нафар футболчи ўтган мавсумда ҳам ўйнаган. Бизда бир-бирини яхши тушунадиган футболчилардан таркиб топган ва функционал жиҳатдан яхши тайёргарлик кўрган жамоа бор. Бунга эса футболчиларнинг менталитетини ҳам қўшиш мумкин. Буларни барчаси муваффақиятларимизнинг асосий омилидир» - деди Рангник Kicker хабарида.
