"Атлетико" бош мураббийи Диего Симеоне ЕЧЛ гуруҳ босқичининг 6-турида "Бавария"га қарши учрашувдан сўнг (0:1) фикрларини билдирди.
Ушбу мағлубиятга қарамай, "Атлетико" гуруҳда биринчи ўринни эгаллади.
"Ўйин бошида бир нечта яхши имкониятларга эга бўлдик, кейин "Бавария" назоратни қўлга олди. Улар биринчи бўлимда тўпни назорат қилишди ва устунлик қилишди. Иккинчи бўлимда биз яхшироқ ҳаракат қилдик, айниқса, охирги 15 дақиқада. Иккинчи бўлим бутунлай бошқача кечди, биз кучайдик. Ўйин охирида дурангга эришишимиз мумкин эди, шунинг учун Облакка бурчак тўпига боришини айтдим.
Биз Голландия ва Россияда яхши натижаларга эришган эдик. Плей-офф йўлида яхши ўйин кўрсатдик, деб ҳисоблайман. Шунинг учун "Бавария"га қарши ўйин олдидан яхши ҳолатга эга бўлдик", - дейди Симеоне.